رد

عايزني أرد اقولك ايه ! م انت عارف حبي ليك قد ايه ... يللي حبك نساني نفسي والعالم واللي فيه ... يا للي حبك عندي أغلى من عنية ... لاء كمــان واكتر شوية ... كل كلمة تقولها ليه حاسة بيها ... دايبة فيها ... وسؤالي ليك رده عندي أنت مني وانا كلي ليك يا فاتني ... يا نبض قلبي يا حتة مني ياللي نفسي أعيش عشانك ............ انت ملكي وانا ملك ليك ... وانتهي وانا بين ايــديـــــك وانتهي وانا دايبة فيك ....     

مشكلة

مشكلة

حبك دا أكبر مشكلة ... ليه ف حياتي ...  مش قادر اهرب منه لحظة .... مش قادر أبعد أو حتى انساكي ودي حاجة كتير متلحظة .... اصل حبك جوايا ساكن من زمان يجي كده من ميت لحظة ... مشكلة عندي ومتشكلة مش عارف اعمل فيها ايه ... ما بقتش عارف انا مين انا غير أني عشقك .... وكل كلمة بقولها من بين شفايفى بتعشقك .... اصل انا في قلبي رشقك ...... زي سهم ومالوش خروج أصل روحي ساكنة فيكي وسهم عشقك لو برح عن قلبي لحظة أكيد هاموت اصل انا بحبك موت وحبك أكبر مشكلة يا أحلى وأجمل مشكلة .....  

انتظار !!!

لو تسأليني انت مين ؟ مش هاجوبك ... عارفه ليه ؟ دالإجابة عندك هتلاقيها .... دوري جواكي لحظة صدقيني هتلاقيها ..... دالإجابة دايبه فيها كل كلمة من كلام الحب ليكي ....  ومستني ردك ..... ؟؟؟؟    

بدور عليكي

وسط الزحام بتلاقيني بدور عليكي في كل الوشوش يمكن المح نظرة منك بتشاورلي بوجه بشوش .......... ملاقاكيش.. د الدنيا كلها ماتساويش لحظة واحدة من غير وجودك .....يااللي عمري نقطة واحد في بحر جودك ... ارجع ودمعي مالي عيني والوجع آآآآآآآآآآه ملييني أكمن عني مابتسأليش .... بس هافضل كل ثانية كل لحظة أدور عليكي في كل الوشوش .....

بحبك يا مصر

بحبك يا مصر...

لو قولت بحبك شوية عليكي 

 انا أصلي عاشق بموت فيكي

  بعشق ترابك وأحبابك هما أحبابي 

 يا أهلي يا كل أصحابي 

 بعشق ملامحك وسمتك 

 كلامك وصمتك 

 ضحتك يا روعتك 

 يا جمال بسمتك 

 على شط نيلك اشوفك

 قاعدة بتصلي في ساعة الفجر والمغرب 

 وبتسمي وتدعي ربنا يحمي ولادك  الطييبين

يا أم العيون الصافينين الملينيين بالحنين

بتحاكي في كل مكان بجمالك 

 دا مهما كان حالك 

 برضه انت أغلى عندي من عنيه 

 من كل حاجة في الدنيا ديه 

 بحبك وبقولها بصوت عالي بصوت مسموع 

 وحتى لو موجوع

...  بحبك يا مصر .......    

أحمد عتريس