مشاعـــر

أنا كل يوم والتانـــــــي

 بحلم بيك في أحضانـي

                       وحاجات كتير وحشاني                  هي

 متحرمنيــــــــــــــــــش

وأنا كل يوم بيعـــــــــدي

محتاج وجودك جنبـــــي

                      ياساكنة جوه قلبـــــــــبي                  هو

ماتبعديــــــــــــــــــــــش

أنسى العالم بحالــــــــــه

وحبيبي أنا منسهـــــوش

                       دانا كل الدنيا عنــــــــــدي                   هى

من غيرك ماتساويــــــــش

يا أغلى من حياتــــــــــــــي

عمري اللي فات والآتـــــي

                 باتمنى أعيش وياكــــــــــي                  هو

وحياتي ماتنتهيـــــــــــــــش

عايشين بالحب واحنـــــــــــــا

مليين بالعشق روحنـــــــــــــــا

                    وهوانا فين م روحنـــــــــــــــــا           هو وهى

جوانا عايز يعيـــــــــــــــــــــش

كلمات / أحمد عتريس

الخميس في 25-11-2010

الوقت : الساعة 3:40

السيرك

السيرك

 

وانفض السيرك  القومي كعادته

ببدايته وكمان بإعادته

في ميعاده الثابت وف وقته

والكل معانا شارك بإرادته

وما كانش فيه أي تجاوزات

لا من سياتك ولا حتى سعادته

وانفض السيرك القومي كعادته

دخول السيرك دا كان مجاني

كله عشانك مش علشاني

حفل السيرك دا كله أغاني

كانت فيه أمتع فقرات

واللي جعان أكل الوجبات

لاء وكمان حلّى بجنيهات

مش حارمينك أي حاجات

وكفايه علينا السيرك دخلته

وانفض السيرك القومي كعادته

السيرك بتاعنا بقاله كتيييير

فقراته ما فيهاش تغييير

ألعابه عشانك عملينها

وألاعيبه كلها تأثييير

واللي معانا هيكسب دايما

راح يتهنى ويعيش أحسن

واللي معانا دفع قرشين

هياخدهم مليون ف اتنين

داللي معانا هياخد حاجته

واللي فارقنا يا خسارة يا خبته

وانفض السيرك القومي كعادته

السيرك خلاص فوول أوبشن

وقفلنا وهنبدأ .......... أكشن

فقراتنا كلها حقيقية

معمولة بذمة وحرفية

فقراتنا كلها وطنية

وع الشاشة هتشوف ريفلكشن

لكل الوهم اللي أنت بدأته

جوا السيرك اللي أنت اختارته

وانفض السيرك القومي كعادته

كلمات / أحمد عتريس

الأثنين في 6/12/2010

                                                                                                                                       الساعة 8 مساءاً

مالك كدة ؟؟!!!

مالك كده؟؟؟

مالك كده شايله الهموم متنكّده

والدموع مليا العنين متسهّده

والجبين مليان سطور متجعّده

على كل سطر هتلاقي حدوته وحكاية

مع كل نظرة هتلاقي توهه بدون نهاية

د كل دمعة بتنسلت بتقول كفاية

تعبت من كتر الندا

مالك كده

التاريخ على وشك انتي متسطّر

والزمن عدى بهمومة ومأثّر

وانتي صامدة

كل حاجة م خوّفاكي

كل حاجة م حيرّاكي

بس حامده

مالك كده

تعب السنين انا شايفه في ملامحك

وف بحر الهموم غرقانة من جرحك

ورغم الشقا والتعب الدنيا هت صالحك

والعيشة تصبح رضا

مالك كده

ما تزعليش يا غالية متكشّريش

خلي وشك يبتسم مدّمّعيش

د الحياة كلها ما تساويش

من عنيكي دمعة واحدة

مالك كده

كلمات / أحمد عتريس
عدسة / مصطفى فتحي

                                                                                                                                     الأثنين 29/11/2010

الوحدة الوطنية

الوحدة الوطنية

اسمحولي بكلمة واحـــــدة

كلمة أقولها لجل وحـــــدة

مصرنا مش ناقصة شـــــدة

بين نصارى ومسلميــــــــن

كلنا عايشين جوا مركـــــب

قبطانها احنا ومش هنكــدب

لو صراعنا طال ما بينـــا

والحقد أصبح جوه منـــــا

والكره عشش ف القلــوب

مركبنا راح تغرق يا زين

بالنصارى ومسلميــــــــــن

صوت الأدان صوت الجرس

جوه الكنايس والمساجـــــــــد

بينادي ويقول هتخـــــــــرص

الكل ليه عمّال يعانــــــــــــــد

أحمد وحنا ...حسين وجرجس

مع بعض دايما والكل واحــد

ف الشدة دايما متعاونيــــــــن

نصارى ويّا مسلميـــــــــــــن

مسلم مسيحي في أرض واحدة

بنعيش وأيدنا ف الشدة واحدة

وان كنت مش عايز تعيشهـا

وان كنت مش عايز تشوفها

ابعد وسيبها لأهلــــــــــــها

مش راح تلاقي ف حسنها

مش راح تلاقي زيّهــــــا

الكل ضماه ف حضنهــا

من كل مله وكل ديـــــن

نصارى جنب مسلميــــــن

                                   

  كلمات / أحمد عتريس

الخميس في 25-11-2010

الوقت في الساعة 4   

حبيت فيك ايه ؟؟؟

جاي بتسأل عني ليه

جاي تقولي سبتيني ليه

بعد ايه ؟

جاي بتسأل عني ليه

حبي ليك كان حب صادق

بس حبك مش عشاني

قلبي ليك كان قلب عاشق

بس قلبك كان أناني

مش عارفة ليه ؟

بعد ايه ؟ جاي بتسأل عني ليه

شوفت فيك حاجات كتير ما قبلتهاش

وحاجات كتير كات جوه منك وما شفتهاش

عشت ليك لحظات جميلة ماعشتهاش

وحبك ... أنا دبت فيه

بعد أيه ؟ جاي بتسال عني ليه

خدعتني بحب وحنان ... ووهمتني بالجنة هلقاها معاك

سيبت قلبي يعيش في بحرك ... كانت الفرحة ف لقاك

عشت فرحة ... عشت نجمة بتضوّي ف سماك

وحبك ... أنا عشت ليه

بعد أيه ؟

جاي بتسأل عني ليه

وصحيت من وهم حبي على قلب قاسي ما حبنيش

قلب ظالم قلب جاني ف قسوته ما تلاقيش

بس قلبي رغم جرحك في النهاية لازم يعيش

بعته ليه ؟

بعد أيه ؟

جاي بتسأل عني ليه ...

كنت ليك معنى الحياة مش راح تلاقي زيّ تاني

كرهت فيك كل حاجة بس قلبي مش راح يعاني

حبي ليك كان حب غالي ... حب أقوى م الزمن

حب غيّر كل حالي ... بعته ليه من غير تمن

جاي تلومني بعتي ليه

بعد أيه ؟

جاي بتسأل عني ليه

حبي ليك راح وانتهى ...

وحياتي رجعت كلها

وكفاية عندي إنها

لحظة حياة ... طوق للنجاة

وامسكت فيه

بعد ايه؟

جاي بتسأل عني ليه

محال افكر فيك محال

حتى لو سقت الدلال

جوايا ليك كان في سؤال

حبيته ليه ؟

بعد أيه ؟

جاي بتسأل عني ليه

حبيت فيك ايه .... حبيتك ليه ... مش عارفه ليه

بعد أيه ؟

جاي بتسأل عني ليه

كلمات / أحمد عتريس

  الأربعاء 13-10-2010

حد يقولي ليه ؟؟؟

حد يقولي ليه ؟؟؟

حد يقولي ليه 

أنا عاشقه جمال عنيه
يمكن عشان بحبه
لا... دانا دايبة فيه

عنيه دي بحر غريق

وشددني جواهم

من نظرة بلقى طريق

مفتوح لي في سماهم

بمشيه مش خايفه منه

وقلبي مسلم ليه

حد يقولي ليه

أنا عاشقه جمال عنيه

من نظرة ليها بتوه

وبروح ف دنيا بعيدة

ودا معنى لو عشتوه

راح تبقى عيشه سعيدة

وهتدوبوا زيي فيه

حد يقولي ليه

أنا عاشقه جمال عنيه

د عيونه عيون جمال

مليانة شوق ودلال

جواها حنيّة

عيون مليانة فرحة

مشتاقة للطرحة

مفروشة حواليّة

وايدية ضمه ايدية

حد يقولي ليه

أنا عاشقه جمال عنيه

ضمني بعنيك خبيني

وف حضن عنيك دفيني

أبعدني عن كل الدنيا

نسيني نفسي ف ثانية

دانا ببقى معاك ف الجنة

يا عنّية ضميه

حد يقولي ليه

أنا عاشقه جمال عنيه

يمكن عشان بحبه

لا... دانا دايبة فيه

ما اعشقش أزاي عنيه

وأنا كلي دايبة فيه

من غير ما تقولوا ليه

أنا عاشقه جمال عنيه

يمكن عشان بحبة

لا ... دانا دايبة فيه

كلمات / أحمد عتريس

الأربعاء 27/10/2010 الساعة 6 مساءا