مصر بخير ...
طول ما ولادك بيحبوكي
حب حقيقي مش تزييف
طول م إله الكون مراعيكي
يبقى أزاي هتهابي الخوف
طول ما بنحلم فيكي نعلّي
والأحلام جوانا تملّي
يبقى أزاي مننا هتمِلي
واحنا ولادك رافعين راسك
بإدينا حلمنا يتحقق
والحرية شمسها تشرق
وقبل إدينا إله الكون
ويّانا واهو منه العون
ذكرك ف القرآن بالخير
أصل بلدنا مصر بخير
**************************
طول م الطالب عارف دوره
والعامل بيراعي ضميره
والفلاح ناكل من زرعه
ولبن أبيض صافي بخيره
ويزرع قمحه تطلع شجرة
ناخد البذرة نقوم نطحنها
تبقى دقيق فعجين للخبزا
نعمل عيش مليان بالخير
يكفي بلدنا مصر الخير
***********************
طول م الأم تراعي ولادها
والدكتور بيداوي المرضى
مش بإديه يإدين المولى
طول م الجار بيخاف على جاره
أصل النبي وصّاه على داره
طول م الحب بيملى قلوبنا
طول م المولى هو حبيبنا
طول م الناس جواها الخير
وكله بيعمل عمل الخير
هتفضل مصر الحلوة بخير
وبلدنا والله بخير
***************************
طول م أيدينا في أيدين بعض
ونبقى أنا وأنتي نكمل بعض
طول م الحب أساس ف حياتنا
وضميرنا بيحرّك ذاتنا
وبالإيمان تحلو حياتنا
ومش نحتاج والله لحد
غير للمولى عز وجل
هو لوحده معز مذل
هو العاطي هو المانع
يكفي نرفع أيدنا وسامع
ندعي يملي بلدنا بخير
ربنا أصله مانح الخير
ومصر بلدنا والله بخير
************************
***************
*****
كلمات / أحمد عتريس
أبريل 2011
ليست هناك تعليقات:
إرسال تعليق