صلاة الفجر ...
بصلاة الفجر أبدأ يومك
راح تغسلك كل همومك
وادعي إله الكون يغفر لك
والبس يلا يا حلو هدومك
واستنشق نسمات الرحمة
وافطر يلا وقبل الزحمة
انزل واسعى وروح على شغلك
سمي الله وابدأ بالهمة
وصدقني ربنا هيعينك
بصلاة الفجر أبدأ يومك
**************************
راعي ربنا وسط طريقك
اوعى شيطانك واحفظ عينك
خلي قلبك دايماً عامر
بالإيمان ولسانك ذاكر
ولقرآنك دايماً فاكر
وصدقني ربنا هيصونك
بصلاة الفجر أبدأ يومك
*************************
وف شغلك لازم إتقان
ما يهمكش فلان وفلان
خلي كلامك بالحسنى
ونبينا القدوة الحسنة
هو إمامنا وتاج راسنا
عيش ف الدنيا وكون إنسان
وادعي ربك يديلك
بصلاة الفجر أبدأ يومك
*************************
حدد هدفك قدامك
وما تحبطش ف أحلامك
واصبر على كل آمالك
واعمل كل اللي ف وسعك
واضحك للكون يضحك لك
وفك يا عم التكشيرة
ما كفاية ضيقة وحيرة
دا حياتنا يا عم قصيرة
على ايه بقى هتشيل الهم
وتكشر بلا حرقة دم
افردها وابسطها يا عم
وخليك دايماً مع ربك
حافظ على كل حبايبك
وصلي بالليل واتهجد
واحضر فجرك بالمسجد
دا ملايكة ربنا تشهد
لصلاتك ف بداية يومك
بصلاة الفجر أبدأ يومك
******************************
****************
******
أحمد عتريس
الجمعة 13 / 5 /2011
ليست هناك تعليقات:
إرسال تعليق