مين زيّها ...
مين ف الدنيا دي زيك مين
يا أم عيون سودا وحلويـــن
عدى عليكي سنين وسنيـــن
وأنتي حبيبتي أحلى ما كنتــي
ومش لاقي في جمالك أتنين
********************
مش لاقي ف الحسن دا حد
خفة دمِك مش على حــــــد
لو تسألي قلبك هيــــــــــرد
ويجاوبك أنا بعشق ميـــــــن
********************
يا أميرة وتاجك ع الرّاس
علشانك نسهر حــــــرّاس
ويعيش اسمك لينا نبراس
ولقدمك الخد مـــــــــداس
خطي ودوسي يا نن العين
*********************
يا غالية يا أم الضحكة تعيش
زي جمالك والله مافيــــــــش
مكسوفة ليه طب ما تخبـيـش
دا مشاعرك فضحاها العين
*********************
والله عشانِك كله يهــــــــون
دا أنتي حبيبتي ومهما يكون
أنا عاشق ليكي وبجنـــــــون
يا أميرة على كل الكـــــــون
يحميكي ربي من العيـــــــن
*********************
أحمد عتريس
الأربعاء 30/3/2011
ليست هناك تعليقات:
إرسال تعليق