يا بنت اللذينة
بحبك يا بنت اللذينة
وحبك مرسى ومينا
مهما اشرق مهما اغرب
مهما ابعد تلاقيني اقرب
ومهما كنتي يا غربة قاسية
استحالة تفرقينا
بحبك يا بنت اللذينة
********************
بحبك وعاشق جمالك
دا مهما كان حالك
أهون من الغربة
دي الغربة ليل حالك
ونهارها آسي وهالك
يشبه التربة
دا كفاية عليّه إني
على شط نيلك أغني
وأقول مواويلك
واشرب مع صحبه شايك
وانتي فرده يا حلوة شالك
ضمانا بإديكي
وحضنانا بعنيكي
بنقول ونحكيلك
وحضنك مدفينا
بحبك يا بنت اللذينة
***********************
حبك يا غالية راسمالي
وحياتي بيكي تحلالي
ومهما طال البعد بنا
ومهما كان في ايه تعبنا
مدا ايدك حضنى ايدنا
وتملّي حاسه بينا
بحبك يا بنت اللذينة
****************************
وحياة غلاوتك عندي
والحب اللي ساكن قلبي
بنروح ونرجع لك
ونغيب بنشتاق لك
ونحن لترابك
ولمة أحبابك
وبنرجع ليكي تاني
للحب والأماني
والعشق اللي ملينا
بحبك يا بنت اللذينة
********************
قلبي في حبك أناني
من قلبي آآآه ياني
معرفش ايه اللي عمله
حبك يا غالية فينا
بحبك يا بنت اللذينة
****************************
**************
*****
كلمات / أحمد عتريس
الثلاثاء الموافق 11/1/2011
ليست هناك تعليقات:
إرسال تعليق