رسالة ...
أنا قولت بحبك لكن
جوايا مرارة وساكت
عشقك ف القلب اهو ساكن
ومشاعري كلها ماتت
والحزن مداري الحب
وجوا القلب أنين
**********************
معرفش إذا كنتي حبيبتي
والا انتي مجرد نزوة وزيف
سيباني ف ضعفي وحيرتي
حولتي ربيع العمر خريف
وف عز الأزمة احتاج لك
الاقيكي بعدتي سنين
***********************
أنا عاشق كل ترابك
معرفش أنا من أحبابك
والا مجرد حد غريب
ناسك واقف على بابك
بتمرمغ على أعتابك
مش إرهابي بشكل مريب
كله عشانك اتحمل
وف صعبك لازم أكمل
ناسك م التوهه بتسأل
عنك وانتي لمين؟
************************
سيبانا واحنا ولادك
لو حتى سايقه عنادك
مش هنفرط فيكي في يوم
لو زدتي علينا القسوة
هنحبك برضة بقوة
ومش راح نرمي عليكي اللوم
مش كلمة نقولها ف غنوة
بس احنا عشان بنحبك
هنغير كل ما فيكي
ومش هنسلم أبدا يوم
ضمينا ف حضن عنيكي
ضمينا بشوق وحنين
**************************
******************
********
***
أحمد عتريس
9 فبراير 2011
ليست هناك تعليقات:
إرسال تعليق