عشان خاطرك ...

عشان خاطرك ...

عشان خاطرك ...

 أعيش ناسك في محرابك

عشان خاطرك ...

أعيش درويش على أعتابك

عشان خاطرك ...

اغني غنوة لأحبابك

عشان خاطرك ...

أعيش عيل بيتهنن على رجلك

ولما دموعي يوم تنزل

 تضميني على صدرك

عشان خاطرك ...

أعيش راجل وأتحمل أنا عنك

عشان خاطرك ...

 أعيش جندي وروحي تروح فِدا ترابك

عشان خاطرك ...

أعيش عامل بيتباهى بصنعة إيده قدامك

عشان خاطرك ...

أعيش بَنّا بيتغنّى بطوبة تعلي ف جدارك

عشان خاطرك ...

أعيش فلاح في أرض براح بيزرع لك

عشان خاطرك ...

أعيش فنان بيرسم لوحه لولادك

وهما بيبنوا ويعلوا كده ف راسك

عشان خاطرك ...

أعيش إنسان وأتمنى أموت إنسان

على أرضك     

عشان خاطرك ...

أعيش ناسك ...  أعيش درويش

أعيش عيل ... أعيش راجل 

أعيش جندي ... أعيش عامل

أعيش بنّى ... أعيش فلاح

أعيش فنان ... أعيش إنسان

عشان خاطرك ...

وأموت إنسان

على أرضك

*************

كلمات / أحمد عتريس

السبت 5/3/2011